СВО дезала новкъостал дир ахча хьаэца
ГӀалгӀайчен «Даьхен Лорбой» лоадама ганза филиала новкъостал дир лаьрххӀача тӀема операце веннача бӀухочун дезала доагӀа ахча хьаэца, яхаш, дийцар «Сердало» газетага цигарча зарбан болх лелабераша.
«Веннача бӀухочун воша Хамхой Анзор цу ганзе вахачул тӀехьагӀа ховш хилар, каьхаташцара гӀулакх цу дезала кхоачашде цамогаш хилар. Из кхоачашдара, социальни дешашца ювзаеннача Тиймарзанаькъан Луизас сиха бувзам бир бӀухо хиннача бӀун кулгалхошца, цул тӀехьагӀа ГӀалгӀайче гӀолла йолча Росгварде урхалленца. Юххера а, из хаттар ше ма дарра кхоачашдир», - аьлар кепайоазоно.
Белгалдоаккх, Хамхой Хьасана цӀагӀа дисар пхи бер, цӀен-нана, царех зӀамагӀа дола бер берий беша ухаш да.
ХьалхагӀа «Даьхен Лорбой» ганзо новкъостал дир, бӀухочун да Московски областа, Щелковски кхален Горьке цӀерагӀча санаторно-курортни дарба деча моттиге вахийтара путёвка йоаккхаш.
