СВО бейнача бӀухой дезалашта гӀурба де жа делар
05.06.2025 11:14
ГӀурбан цӀай долаш бейнача лаьрххӀача операце бӀухой дезалашта лаьрххӀа жа делар, яхаш, дийцар «Сердало» газетага «Даьхен лорбой» ганза ГӀалгӀайчен филиале.
«Белггала йола ха хиларах, ГӀалгӀай Республикан кулгалхочунгара Келаматанаькъан Махьмуд-Ӏаьлагара Илдарха-ГӀалан 190 бӀухочун гаргарча наха новкъостал дир. СагӀа доаккхаш йола ха хиларца, гӀурба де йиш йоацаш болча дезалашта Ид-аль-Адха цӀай дездеш Ӏалашо йир», - аьлар хоамо.
«Из тӀехьа да воацаш е Даьхе лораеш даьй латтача фусамашта, таро йоацаш бисача дезалашта дика новкъостал да», - йоах «Даьхен лорбой» ганза ГӀалгӀайчен филиала кулгалхочо Оздой Муслима.
