СВО доакъашхой дезалашта, психологически оагӀонцара гӀо лоаттаду
07.02.2025 10:52
ТӀема операце доакъашхошта, цар дезалашта психологически оагӀонцара гӀо лоаттаду вай республике. Из хоам «Сердалога» бир «Даьхен лорбой» яхача ганза болхлоша.
«Ганзе новкъостал деха вера тӀема операце доакъашхо вола Къамурзой дезала да. Лакха говзал йола психолог Пхьогоранаькъан Райшат хьожайир царна гӀо де. Цо дӀайолайир кхоллама оагӀонца дӀахьош йола арт-терапе курс», - дийцар тхога.
Да цӀагӀа воацаш гӀайгӀане йола, цхьаккха хӀаманца чам боацаш лийна ялх шу даьнна Замира, дог ураэтта, сурташ дехка йолаеннай тахан.
