Наьсарерча мемориале экскурси йир дешархошта
18.03.2025 12:06
Котало яьккха 80 шу дизара хетаяь экскурси дӀайихьар «Даьхен лорбой» яхача ганза Галашкарча № 2 йолча ишкола дешархошца Дагалоаттама а Сийлен а Наьсарерча Мемориале гӀолла.
Из хоам «Сердалога» бир ганза викалаша. «20-ча бӀаьшере моастагӀчун наькъаш тедаш, Даьхен лаьттара цун лар хоадаеш духьаллаьттача къаман майрача къонгех дийцар берашта.
Кхетаче дакъа лоацаш вар СВО доакъашхо волча Тоачанаькъан Мухьмада воӀ Ӏалихан, иштта Денала орден енна волча Къоастой Бахьаудина кхоачарбараш Къоастой Салман, ИбрахӀим», - дийцар «Даьхен лорбой» яхача ганза вахара хьалашка хьожаш волча Ӏарапханаькъан Мухьмада.
