Кадетски класс хьаеллача, дакъа лоацаш хилар вай мехкара тохкамхой
Шолжа-Шахьарерча Келаматанаькъан Макшарипа ӏӏалихана цӏӏи лелаеча № 4 йолча ишколе РФ Тохкама комитета кадетски класс хьаеллача кхетаче дакъа лоацаш хилар цу даькъе къахьегаш бола моттигера болхлой. Из хоам «Сердалога» бир цу моттигера.
«Шолжа кхалерча тохкама оагӏӏон къахьегамхой а хилар цу лоархӏӏамеча вӏӏашагӏӏкхетаре баьхка», - йоах тхога кхаьчача хоамо.
Шолжа кхалерча тохкама оагӏӏон хьалха латтача Галай Х.М. ший къамаьла юкъе белгалдир, из класс хьаеллар тохкама оагӏӏонца дика болхлой кхебара тӏӏехьа лоархӏӏаме дакъа дӏӏалоацаш долга.
Россе СК кадетски классе чуболхараш ба иттлагӏӏча классашкара дешархой. Цар вахаре лоархӏӏаме никъ болалулга белгалдеш йола погонаш дӏӏаелар царна.
Дӏӏахо, 1985-ча шера ишколе хьайийллача музейга хьожаш хилар тохкамхой, кадеташ. Белгалде деза, 2020-ча шера хиннача «Сийлахь-боккхача Даьймехка тӏӏема дагалоаттамах йола эггара толашагӏӏа йола ишколера музей» яхача Ерригача Россе яхьашка СКФО цо котало яьккхалга. Ленинград фашистех мукъаяьккха 82 шу дизара хетаяь кхетаче а цу музее дӏӏайихьар.
Берий дог тохадолийташ, дог чӏӏахкийташ дар Ладожски хи тӏӏагӏӏолла хиннача «Вахара наькъах» дола дувцар. Цаӏӏ мара ца хиннача цу шан наькъ тӏӏагӏӏолла, даггара моастагӏӏаша чудетташ герз долаш, моцало кӏӏалбитача Ленинградерча наха кхача лоаттабеш, шоай са кӏӏалъувттадеш лаьттаб нах. Уж бирса денош тӏӏема исторе лоархӏӏаме моттиг дӏӏалоацаш да, цӏӏаккха дицдала йиш ярех а дац!
Россе СК Тохкама оагӏӏоно бувзам лоаттабергба кадеташца, ишколаца. Дийша баьлча РФ Тохкама комитета академе деша отта аьттув хургба цар.
