Спортаца ювзаеннача моттигий хьалашка хьожаш ба республике
03.05.2024 10:43
ГӀалгӀайче хьожаш ба, спортивни моттигий хьалашка, уж мишта болх беш я. Иштта, ГӀалгӀайчен спорта министра декхараш кхоачашдеш вола Белхарой Руслан хьажар «Магас» цӀен балхага, яхаш, дувц «Сердало» газетага ГӀалгӀай Республикан спорта Министерствон викалаша.
«Из хьежар ГӀалгӀайчен эггара йоккхагӀа йолча спортивни майданга. Цига цунна хоаделар цхьаццадола кхоачамбоацараш. Цо декхар тӀадиллар кердача кулгалхочунна ЦӀечой ИсмаӀала, йиллача хана уж дӀадаха.
Министра яхачох, из гӀишло вай мехка чӀоагӀа лоархӀаме я, хӀана аьлча ГӀалгӀайче из цхьа моттиг мара яц мехкашта юкъера яхьаш дӀаяхьа», - йоах хоамо.
