Россе дикагӀа бола дзюдоисташ гуллургба республике
08.05.2024 09:55
Россе дикагӀа бола дзюдоисташ гуллургба вай мехка, хьатӀадоагӀача салоӀача деношка. Дзюдох йола яхьаш ворхӀ дозалах латташ хургья. Из хоам «Сердало» газетага бир физически культурахи спортахи йолча Министерствон зарбан болх лелабераша.
«Спортсменаш шоай говзал гойташ хургба «Магас» яхача спорта фусаме. Вай къаман сийдолча воӀа, СССР шозза чемпион, халкъашта юкъерча класса спорта говзанча хиннача Пхьарчанаькъан Мухьмада хетаяь я из кхетаче. Ахчан совгӀаташ, кубкаш, майдилгаш, грамоташ кийчъяьй спортсменашта яла», - йоах тхогарча хоамо.
Укх бетта 11-ча дийнахьа, нийсса ши сахьат даьлча, дӀайолалургья яхьаш. Царга хьажа йиш йолаш ва моллагӀвар.
