Тайп-тайпарча оагӀонашцара латархой гуллургба мехка
04.04.2025 09:10
Россера толашагӀа бола спортсменаш гуллургба вай мехка. Физически культурахи, спортахи йолча Министерство викалаш латара говзала Россе Союза моттигерча филиала болхлошца тӀема говзалах йолча фестивала кийчон болх дӀахьош ба карарча хана.
«800 совгӀа волча вай мехкарча спортсмена низ гойтаргба цига. Цу юкъе я каратэ, самбо, комбат, кикбоксинг, «ШодСанЛат» яха гӀалгӀай къаман латар.
«Магас» яхача спорта двореце дӀахьоргда из доккха гӀулакх. Фашист вохаваь 80 шу дизара хетаяь йола уж яхьаш, укх бетта 12-ча денгара 16-ча денга кхаччалца хургья.
