ИнгГУ 30 шу дизара хетадаь, хьаькъал гойта ловзар дӀадахьа лерхӀ университете
25.04.2024 10:05
ГӀалгӀай паччахьалкхен университета 30 шу дизара хетадаь ловзар (квест) дӀадахьа лерхӀ Магасе. Из хоам «Сердалога» бу цу гӀулакха хьалхалаттараша.
«Университета керттерча корпусе 10 сахьат 30 минот яьлча гуллургба шоай кхетама хьал тахка, дуккха кердадараш довза безам бараш. Яхьаш дӀаяхьа дагадехараш я географех йола кафедра, БЖД.
Итт сагах латташ йолча шин тоабо къахьегаргда, шоашта тӀадаьхка декхараш кхоачашдеш. Университетерча дешарца, истореца дувзаденна да деррига хаттараш.
Котбаьннарий цӀераш хьакхайкаергья, яхьаш йистейоаллашехь. СовгӀаташца, грамоташца белгалбергба хьалхабаьннараш», - дийцар тха газетага.
