Киберспортивни Dota 2 яха яхь дӀахьоргья вай мехка
07.02.2025 09:18
БӀаьстан кхоалагӀча бетта дӀаяхьа лерхӀ республике Dota 2 оала киберспортивни яхь. Пхе сагах латтача тоабаша шоай болх дӀахьоргба онлайн, оффлайн гӀолла. Из хоам «Сердалога» бир республикерча паччахьалкхен университете.
«Лакха начӀал долча ловзархоша санна, компьютерни ловзараш дӀакхахьа ховраша дакъа лоацаргда яхье. Котбаьннарашта дала оттадаьд 50 000 эзар сом ахча, хӀаьта шоллагӀа, кхоалагӀа моттигаш кхаьчарашта лургда деза совгӀаташ», - йоах тхогарча хоамо. Дакъа лаца безам болчо, хьалххе дехар чудала деза.
