«Орион 2024» яха Къилбаседа Кавказа гӀо дечар кхетаче дӀахьоргья республике
07.06.2024 11:24
Хьинардарех йолча вай мехкахочо, кагирхой гӀулакхех болча федеральни оагӀоно новкъостал деш, «Орион 2024» яха Къилбаседа Кавказа гӀо деш лелачар кхетаче дӀаяхьа лерхӀ республике. Из хоам тха «Сердалога» бир кагирхой политикахи туризмахи йолча министерстве.
«Цу гӀулакха хьалхаэттача Ӏарапханаькъан Танзилас белгалдечох, кхетачен керттера декхар - СКФО доазон тӀа гӀо деш леларий болх ма хулла дикагӀа тоабар, кердадараш юкъедоаладеш, къахьегар», - дийцар тха газетага цигарча доакъашхоша.
«ГӀалгӀай республикера санна, кхыйолча моттигашкара а гӀо деш лелараш тӀаоза лаьрхӀа я са тоаба. «Орион 2024» лаьрхӀа дуккхача программашта юкъера эггара дикагӀа, лоархӀамеяраш хоржаргья», - белгалдир проекта кхоачашъяра кулгал дечо.
