ГӀо деш леларий «Ноахал 18-35» яха ерригача Россе кхетаче хургья
«Ноахал 18-35» яха ерригача Россе гӀо деш леларий кхетаче хургья вай республике. Шоай болх дикка боаржабеш йола керда проекташ кхолла, цхьан доазон тӀа гуллургба ерригача моттигашкара гӀо деш лелараш. Из хоам «Сердалога» бир кагирхой политикахи туризмахи йолча министерствера.
«Боккха пайда луш, лакхача говзанчаша шоай балхацара лоархӀамедараш гойташ, дешара сессеш, лекцеш юкъе йолча кхетаче дакъа лаца безам болча къонача гӀо деш лелараша шоай дехар чудала йиш я. Культуран, спорта оагӀонца шоаш дӀахьош болча балхах дувцаргда доакъашхоша», - йоах хоамо. «ГӀо деш лелараш тахан вай вахаре чӀоагӀа лоархӀаме моттиг дӀалоацаш ба. Вай мехка санна, ерригача Россе из гӀулакх дикка даржаргдолаш къахьега деза дӀахо», - белгалдир гӀо деш леларий оагӀонна кулгал деча Гоамакортанаькъан Мустафас.
