Розенталь Дитмара хетаяь кхетаче дӀайихьар университете
25.02.2025 09:26
Россе цӀихеза хьехархо, лексикограф хиннача Розенталь Дитмара125 шу дизара хетаяь Ӏилман конференци дӀайихьар филологически факультета студенташа. Из хоам «Сердалога» бир цу моттигера.
«Эрсий меттах йолча кафедра ассистенташа кулгал деш, дӀайихьача кхетаче Ӏилман болхлочун кхолламах, вахара наькъах дийцар студенташа. Иштта аудиторе кхайкайир студентий толашагӀа йола статьяш, грамоташ луш белгалбир уж», - дийцар тхога.
Розентала книжкаш тахан тайп-тайпарча дешара моттигашка боккха лерхӀам беш леладеш да. Боккха, хьинаре болх ба Розенталь Дитмара шийна тӀехьа битар. Россе йоккхача вузий библиотекашка да цо ший хана мел кхеллар, боккха пайда эцаш а да тахан», - дийцар тха газетага.
