«Хьалхарчар болама хьинар дарий ишкола» кхетаче хилар республике
07.05.2024 12:45
Йоккхача Ачалкхерча № 1 йолча ишколе, Россе аьрзелгаша дакъа лоацаш, «Хьалхарчар болама хьинар дарий ишкола» кхетаче хилар. Из хоам «Сердалога» бир «Берий навигатораш» яхача проекта зарбан болх лелабераша.
«Уж тайпара, шоай дешара моттига цIерах юкъарча балхашта хетаяь кхетаченаш республике массаза дIакхухьаш я. Цу оагIон керттера декхараш - цхьацца беркате балхаш леладар, тайп-тайпар говзал йола бераш хьаллацар, цар начIал доаржаде гIо дар», - йоах тхогарча хоамо.
«Бераш чIоагIа раьза дар иштта вIашагIкхийтта, шоашта ховр дIагойта, цхьацца кердадараш Iомаде аьттув баьнна. Дог гIоздаьнна болаш, дIа-хьа къаьстар уж», - дийцар тхога «Хьалхарчар болам» яхача оагIон болхло волча Налганаькъан Рамзана.
