Культуран оагӀонцарча болхлоша говзанч-хьехамаш дир
06.02.2025 10:51
Республикерча кхоллама паччахьалкхен колледжо кхетаче дӀаяхьа бийхар Къилбаседа Кавказера цӀихеза культуран оагӀонцара болхлой. Из хоам тха газетага бир цу моттигера.
«Из гӀулакх хьаллаьцар Къилбаседа Кавказерча кхоллама института хореографех йолча кафедра кулгал деш йолча ГӀаьбартой-Балкхарой республикан цӀихезача артиста Марзоева Асията, иштта хӀирий мехкара цӀихеза культуран болхло волча профессора Ахмедагаев Мусабега. Эггара хьалха гулбеннарашца лекци дӀайихьар цар, артист хила безам болча сага дӀабахьа безача наькъах дийцар. Цул тӀехьагӀа, цар елар хореографех, илли аларах дола говзанч-хьехамаш», - дийцар тхога.
Белгалде деза, из кхетаче къамашта юкъера бувзам, барт чӀоагӀбара тӀехьа дӀахьош хиннилга.
