Нах низ бара, ӀотеӀабара духьала къовсам лоаттабе безарах дийцар
![Нах низ бара, ӀотеӀабара духьала къовсам лоаттабе безарах дийцар](http://serdalo.ru/storage/NJHmb4FvH0jeVp3gS1ud8NBe7JsH8HAnACwDdGfo.jpg)
ГӏалгӀай Республикан къамашта юкъерча кагирхой союза гергача истола гонахьа къамаьл дир, цига дийцар наха низ бара, ӀотеӀабара духьала къовсам лоаттабе безаш хиларах. Из хоам «Сердало» газетага бир цу моттигера.
«ГӏалгӀайчен лоӀамхой тароний центре республикан тайп-тайпарча балхаш тӀара нах гулбелар. Гулбеннарашта хьалхашка къамаьл дир полице лейтенанта Ӏалбаканаькъан Мухьмада, Шолжа-Шахьара депутатий совета кулгалхочо Оздой Ингисхана, арахьарча бувзамий, къаман политикан Министерстон къамийи дина гӀулакхийи отдела кулгалхочо Харсенаькъан Мухьмада, ишколашка кхетам балара даькъ тӀа болх беш болча хьехамчаша», - аьлар хоам баьчо.
Ше къамаьл деш, Ерригроссийски къамашта юкъерча кагирхой союза кулгалхочо Оздой Инала дийцар, республикан кагирхой воча хьалах лоралуш хила безарах, иштта кагирхоша шоай мукъа ха пайда эцаш дӀаяхьа таронаш хьаеш латташ хиларах. Кхетачен доакъашхоша шоай аргӀагӀа ишкола дешархошца, студенташца дийцар шоай балха говзалах лаьца.
Юкъара болх бераша яхачох, цу тайпара кхетаченаш дӀахьош хилара бахьан да, вай кхувш йоагӀа тӀехье харцахьарча наькъ тӀа цаялийтар, цунна лерттӀа кхетам балар, халача хьалашка нийсбеннарашта кхыйола дика вахара таронаш йолга хьалхадаккхар.