Росгвардейцаша кагирхошта хьалхадаьккхар, тӀема гӀулакх Ӏомадеш йолча лакхерча дешара моттигашка деша оттар лоархӀаме долга. Цига дешаш хилча Ӏаьдало деча новкъосталах а дийцар цар къонача тӀехьенна. Царех да ахчанца, ваха фусам эцаш цхьацца гӀо дар, дешаш яьккха ха а къахьегама книжканна юкъейодилга, Ӏаьдало цу наха болх лохаш новкъостал делга.

«Професси хоржача хана, эггара хьалха сага теркалде дезар да, ше карадерзадаь гӀулакх вахаре мел накъадаргда, цох фу пайда баргба. Къаман гварди лакхерча дешара моттиге деша оттаро боккха аьттув лу къонача тӀехьенна», - дийцар майор волча Беканаькъан Ӏалихана.