«Нейросети» яха кхетаче дӀайихьар гӀалгӀай мехка
«ТӀаргам» яхача кхетаче кхоалагӀча дийнахьа «Нейросети» яха вӀашагӀкхетар хилар бахархошта, хьаьшашта лаьрхӀа. Из хоам «Сердалога» бир цу моттигера.
«Цу гӀулакха говзанча волча Бисайнаькъан Лом-Ӏаьлас белгалдечох, тӀехьарча хана геттара баржаш, хӀара денна наха юкъе айлуш латт из оагӀув. Кагирхошца болх дӀахьош, цо дийцар, из гӀулакх мишта дӀадахьа деза, малагӀча тайпара кхоачамбоацараш нийсдала йиш я духьала», - йоах хоамо.
Дийцар мишта кхетадаьд тахкара тӀехьа, яхьаш дӀайихьар цига. Цхьан тоабанна тӀадиллар нейросети яхача оагӀонцара пайданедараш белгалде, аьнна, хӀаьта шоллагӀча тоабан декхар - цу оагӀонцара кхоачамбоацараш теркалдар. Боккха пайда боаржабаьрех да аьнна кагирхоша белгалдир унахцӀенон оагӀонцара кердадараш, интернета оагӀонашцара болх, кхерамзлен хьал чӀоагӀдар, Ӏилман балхацара толамаш.
