Наьсарен администраце болхлочоа гӏод техар, 105 эзар сом дӏатакха дезаш
Шахьаре санитарни лостам бара даькъ тӏа кхозза кхоачамбоацараш нийсделар, Наьсарен администраце бехктокхамеча болхлочо ший болх боаггӏача тайпара дӏахьош цахиларах. Из доацаш а, антимонопольни гӏулакха тӏарча болхлоша административни бехктокхаме оттаваьвар вувца саг хьалхагӏа а.
УФАС Гӏалгӏайчен филиала зарбан болх лелабераша яхачох, Наьсарен администраце болхлочо ши контракт чӏоагӏйир урамашка санитарни хьал дика лоаттадара, шийна тӏадилла декхар кхоачашдаь а валалехь.
«Керттердар да, урамашка цӏенал дика лоаттаяра хьал цу кхетачен чудоагӏаш хилар, из болх шин даькъа бийкъа ба. Цо таро елар заказчика 600 эзар сом ахча долаш хила, цаӏ мара воацача поставщикагара хӏама эцара, цу тайпара электронни тӏаьргаш дӏаяхьа а ца езаш.
Иштта хиларо кхыбарий таронаш йохаю, тӏаьргашка дакъа лаца йиш йоацаш. Из бахьан долаш, цу сага 30 эзар сом гӏод техар. Из хӏанз кхозлагӏа нийслуш да - хьалхагӏа 35, 40 эзар сом гӏод техадар. Цу тайпара, юкъара хьаийцача 105 эзар сом хилар», - аьлар «Сердало» газетага Гӏалгӏайче гӏолла йолча УФАСо.
