ГӀалгӀайчен Тохкама комитета болхлошта лаьрххӀа йола цӀераш еннай
Хьем боаццаш кхетаче дӀахьош, мехка СК Тохкама урхаллен кулгалхочо Асхабов Мухьмада Ахьмада даькъалабийцар лаьрххӀа цӀераш енна хиларца болхлой, цо царна дӀаелар погонаш, яхаш, дийцар «Сердало» газетага тохкамхоша.
Юстице полковника цӀи елар тохкама урхаллен лаьрххӀача гӀулакхий хьалхарча отдела викала Хоаной Идриса Мухьмада. Юстице подполковникаш хилар, материально-технически Ӏалашон отдела кулгалхочох Йовлой Салангире Исраилах, иштта нах тӀаэцара, каьхаташцара болх лелабара йолча отдела инспекторех Бештой Азайх, Гайсананаькъан Лилияйх.
Кулгалхочо белгалдир, полковника, подполковника цӀераш ялар - из боккха бехктокхам хилар, дика масал а да шоай балха новкъосташта. Мухьмада Ахьмада даькъалабийцар керда цӀераш еннараш, уж могаш а, дӀахо шоай профессе даькъ тӀа лакха толамаш доахаш а хилар ловш.
