МВД болхлоех дегабуам бу, бюджетера ахча лочкъадаьд, аьнна, хеташ
15.05.2025 12:20
Россе МВД чурча кхерамзлен болхлоша, ГӏалгӀайче гӀолла йолча МВД, ФСБ болхлошца цхьана, болх дӀабихьар; цхьацца болча полице викалаша МВД хьашташта лаьрхӀа хьахьожадаь ахча лочкъадаьдий хьожаш. Из хоам газетага бир бокъонаш лораераша.
«Из доагӀаш да республикански МВД санна, кхален отделашта а. Деррига гулдаь каьхаташ дӀаделар тохкама даькъага», - йоах хоамо.
Нагахьа санна из бакъдале, уж балхара дӀа а боахаргба, иштта законах боагӀаш бола бехк а бергба. Цар кулгалхой а бехктокхаме озаргба.
ГӏалгӀайчен чурча гӀулакхий министра Коробкин Михаила аьлар, полице гIулакх тоаду болх дӀахо а дӀахьоргба.
