Наха низ бара духьала бу болх эргабоаккхаш латт
Терроризм яхача доккхача зулама духьала къовсам лоаттабеча комиссе ший болх чӀоагӀбаьб. Цу оагӀонах дувцаш, лекцеш дӀакхухь цар республике. Из хоам «Сердалога» бир мехка миннацо.
«Республикан, федеральни оагӀоний болхлой, ОМС, университетерча профессорий-хьехархой балхацара кхетам лакхбергбола курсаш я АТК хьаллоацаш, паччахьалкхен университета балха лостам луча моттиге дӀахьош.
«Терроризма духьалара интернетера болх», «Таханарча Россерча къамашта юкъера бувзам» яхача программашка гӀолла дӀахьош ба из лоархӀаме болх», - йоах хоамо. Харцача хӀамаех студенташ лорабеш, царна бакъдар хьалхадоахаш болх дӀакхахьа безарашта дувц цу оагӀонцарча керттердарех, лораде дезарех. Вай республикан хьал, иштта Россе хӀара мохк зуламах лорабара тӀехьа дӀахьош лоархӀаме болх ба из. Цу курсе лекцеш ешаш хургба прокуратуран, АТК оагӀон, иштта кхыбола Ӏаьдала болхлой.
