Ишколашкарча кулгалхой гӏончаш, керда проекташ йоаржаеш, къахьега кийча ба
Берашта пайда беш йола керда проекташ йоаржаеш, къахьега лаьрхӏа ба мехкара ишколашкарча кулгалхой гӏончаш. Укх дешара шерца кхоачашде дезача лоархӏамеча гӏулакхех дувцаш, кхетаче дӏайихьар «Хьалхарчар болам» яхача республикерча оагӏоно.
«Кулгалхой гӏончаша Наьсарен кхален моттигашка 2024-ча, 2025-ча шерашка дӏабихьача балхах, дӏахо кхоачашде дезарех дийцар цига. Цхьацца кхоачамбоацараш белгалдаь, болх дикагӏа тоабергбола наькъаш хьаделлар хьоахадир хьехархоша.
Кулгалхой гӏончий болх боаггӏача боараме оттабара бахьанаш доаладир кхетаче», - дийцар тхога «Бералла наькъаш» яхача проекта зарбан болх лелабераша.
Вахара оагӏонца лоархӏаме болча балха бераш тӏаозаш юкъедоаладе дезарех дийцар Наьсарерча № 21 йолча ишколе хиннача дӏахо де дезарий кхетаче.
