Хоамий моттига оагӀув хьабийллаб мехка
Россе СК республикерча оагӀонца болх бергбола Хоамий моттиг хьайийллар. Из хоам «Сердалога» бир цу моттигера.
«Цу оагӀонцарча балха хьалхалаттача Бастрыкин Александра тӀадиллар, моттигерча Россе СК Хоамий моттиг хьаелла, аьнна. Тохкама оагӀон болхлошта, бахархошта юкъе массаза бувзам хургболаш, наьха лоткъамаш сихагӀа тохкаргдолаш юкъедаьккха да из гӀулакх», - йоах тхога бенача хоамо.
Россе СК республикерча моттиге нахацарча бувзама, электронни каналашцара болх дӀабахьа оттаяьр юстице йоккхагӀа йола лейтенант ПхьугӀой Башира Зарета я.
Хоамий моттига керттерча аккуантага гӀолла хургба бахархошцара бувзам: «ВКонтакте»: vk.com/ӏnfocentrskrf_ӏngush...
Иштта инспектора ший оагӀонга гӀолла: vk.com/ӏd711217191
Цу каналашка гӀолла моллагӀа хаттар дӀадала, юридически оагӀонцара гӀо деха, кхыдола моллагӀа хӀама довза йиш йолаш ба бахархой. Белгалде деза, цу тайпара моттигаш, РФ массехк миӀинге хьайийлла, тахан болх дӀахьош йолга.
Тохкама комитета болхлошта, бахархошца бувзам лоаттабе аьттув луш да из. Бахархой бокъонаш лораяра тӀехьа кердадараш юкъедоахаш, дикка тоабергба цу оагӀонцара болх.
