«Хатар хиннача хьатӀакхаьчар ПСО «Ӏарамхи» яхача оагӀонцара сиха оарцагӀъухараш. Хьалхара гӀо даьчул тӀехьагӀа, лораш чуболча машинага дӀаелар цар из», - йоах хоамо.

Цу дийнахьа цхьаькха лозаваьча альпиниста новкъостал деш хилар «Ӏарамхи», «ТӀаргам» яхача гӀо деча тоабай болхлой. Каьзи-Лоам яхача моттигерча чхара тӀара чувежав из. Хала араваьккха, лорашка дӀавелар из. Белгалде деза, лакха говзал йолча вай МЧС болхлоша шоай декхараш дизза кхоачашделга. Царна шоай болх дика харах, Даьла къахетамца, доккхача хатарга ца кхоачаш, дӀадерз дуккхадараш.