«МагӀалбика кхален, Наьсарен кхален хьунашкара хьал тахка арабаьлар цу гӀулакхах бехктокхаме бола болхлой. Хьун боахама зе деш дола дийнаташ дий хьожаш хилар уж, лаьрххӀа уж лувца боангаш увттаяь», - йоах тха газетага бенача хоамо.

ДӀабихьача балхо хьагойтар, хьунашкара хьал боаггӀача боараме долга. Наьсарерча хьуна тӀахьожам лоаттабеча моттига, ФБУ « Рослесзащита» яхача оагӀоно хан-ханнахьа дӀакхухьаш ба из болх.