СФР оагӏон болхлоша бахархой тӏаийбу ди дӏадихьар
РФ пенсионни, вахара оагӏонцарча страховане моттигерча оагӏон болхлоша бахархой тӏаийбу ди дӏадихьар. Из хоам «Сердалога» бир цу моттигера. «Цаӏ долча пособе Ди» аьнна цӏи тилла яр из кхетаче. Жӏайрахьа кхален моттигаш чулоацаш болча оагӏонца, бахархошта дийцар пособи хьадолалургдолаш эггара хьалха сенгара дӏаволавала веза. Бахархой дукха хаттараш дар ахчан боарамца, 2023-ча шера юкъеденача хувцамашца, иштта кхыдарашца дувзаденна», - аьлар тха газетага.
Ма хулла бахархой дӏакхетаргболаш, царна аттагӏа хургдолча тайпара деррига хьалхадоаккхаш къахьийгар кхетаче. «Цаӏ долча пособе Ди» яхача кхетаче шийна къувлаш дола моллагӏа хӏама тахка аьттув ба сага. Россе ганза болхлошка гӏолла техка дашха йиш я хӏара хаттар. Паччахьалкхенгара ахча хьаийдеш дола гӏулакх наха чоалхане ца хилийта, моллагӏа хӏама ма хулла аттагӏа дӏачакхдаккха гӏерт тхо», - аьлар цу оагӏонцарча балха кулгал деча Мартазанаькъан Адама.
