Хьунашкара цӀераш йоаяра говзал лакхъю цу даькъ тӏарча болхлоша
ГӏалгӀайчен Ӏалама Министерствос дакъа лоацаш хилар, федеральни штаба гойтама кхетаче, хьунашка цӀераш йоаяра балха говзал лакхъеш кхетаче яр дӀахьош хиннар, яхаш, дийцар «Сердало» газетага республикан Ӏалам лорадераша.
«Хьун боахама Федеральни агентствон кулгалхо Советников Иван кертте а волаш, хьунашка цӀераш йоаяра федеральни штаба кхетаче хилар», - аьлар хоамо.
Балха хаттараш тохкача дакъа лоацаш вар, ГӏалгӀай Республикан Ӏалама тароний, экологе министра декхараш кхоачашдеш вола Ӏарчакханаькъан Ахьмад, федеральни паччахьалкхен хьун боахама тӀахьожам лоаттабара даькъа кулгалхо, ГӏалгӀай Республике гӀолла йолча Россе МЧС ГУ викал Гаьгенаькъан Ӏийса.
Цу тайпара балха говзал дӏа-юха ялар лоархӀаме да министерствошта, моттигашкарча бе-беча гӏулакхаш тӏарча наха.
Федеральни боахамий викалаша, цар балха новкъосташа цу моттига чаккхе йир 2025 шера цӀера духьала баьча балха, иштта белгалдир хьатӀадоагӀача шера де дезар. Цига дийцар цӀаьхха йоккха йӀовхал отташ хиларах, къаьстта из хьал 2025 шера цӀи ялара кхерамзлен Ӏаткъа хиларах. Бакъда дика гойтам а бар цига: вай хьунашка цу тайпара чоалхане хьал этта цахилар.
Белгалду, Советников Ивана баркал аьлар, цу даькъ тӀара болх карарча шера дика дӀабахьарах.
