Юртарча бахархошта культуран салоӀам бу моттигаш хьаю
Берий кхоллама таронаш дегӀайоалаяра, республикан юрташка бахача наьха культуран салоӀам бу ха дика дӀаяхьара болх беш да культуран цӏенош. Царех цаӀ да ЖӀайрахьа кхален лакхача лоаме уллача Лаьжге болх бер а. Укх деношка цигара хьал миштад хара яха хилар ГӏалгӀай Республикан культуран министр Лаьнанаькъан Залина, яхаш, дувц хоамо.
Из хьежар юртарча наха мукъа ха мишта дӀахьу, цар бераш малагӀча кружокашка ух, культуран цӏен хьалхашка нийслуш дола кхоачамбоацараш малагӀаш да. Укхаза дийцар лоаман юрта материально-технически оагӀув дегӏайоалаярах.
«Геттара лоархӀаме да культураца ювзаенна моттигаш дегӀайоалаяр, къаьстта гаьна ядача юрташка, цар таро лу бахархошта республикан культуран вахара таронаш йовза, Ӏадаташ лораде, уж тӀехьа тӀайоагӀача тӀехьенна дӀадала», - аьлар Лаьнанаькъан Залинас.
