15 шу хьалха саг вувш, герз техар лаьцар
04.07.2025 09:32
42 шу даьнна, доккхача зулама бехкевеш вола саг лаьцар Ӏаьдала болхлоша вай мехка. 2010-ча шера карагӀдаьннача зуламах бехктокхаме озаргва из судо. «Сердалога» из хоам бир СК оагӀон болхлоша.
Тохкама болхлоша белгалдечох, 2010-ча шера Шолжа-Шахьаре (цу хана Орджоникидзевски станице) 27 шу даьннача вахархочунна травматически оала герз дийттад цо. Бахьан - из саг гоама хилар. Лозаваьр, кхы метта ца воагӀаш, дарбанче кхелхав, зуламхо ведда кӀалхарваьннав. Цу хана денз, из лохаш дар Ӏаьдал.
15 шу даьнначул тӀехьагӀа, укх бетта 2-ча дийнахьа хоаелар из вола моттиг. Зуламхо лоацаш йола операци дӀахьош хиннараш бар МВД УУР, ОМОНа, тохкама оагӀон болхлой. Из гӀулакх тохкаш, зуламхо боаггӀача боараме бехктокхаме озаргволаш, къахьегаш да Ӏаьдал.
