Футболах йола яхьаш хилар студенташта юкъе
ГӀалгӀай паччахьалкхен университета студенташта юкъе футболах йола яхьаш дӀайихьар Магасерча культурахи, спортахи, туризмахи йолча моттиго. Укх деношка Магасе хилар уж яхьаш.
«Цу гӀулакхо кагирхошта дӀахайтар, массахана ший дегӀа доал деш, спортаца бувзам лелабар мел лоархӀаме да. Университета физически кхетам луш йолча кафедран кулгал деча Озанаькъан Любас тӀахьожам беш, футбола доазон тӀа баьлар спортах йолча, физико-математически, экономически, лорий, юридически, инженерни факультеташка дешаш бола студенташ», - йоах тхога бенача хоамо.
Котало лорий факультетага йолаш, чакхъяьлар яхьаш, шоллагӀча моттиге хилар хургбола юристаш, хӀаьта кхоалагӀа моттиг экономисташа дӀайихьар.
ИнгГУ студентий спортклуба кулгал деча Цхьорой Салмана белгалдир, кагирхой тахан спортаца бувзам лелабар лоархӀаме хеташ болга, хӀаьта иштта йолча яхьаша цар безам дикка чӀоагӀбелга.
