ЦӀен 1 кв метрах дола ахча, 18%-га кхоачаш, лохденнад вай мехка
2024-ча шера бӀаьстан тӀехьарча бетта хиннар теркалдича, цӀен 1 кв метрах дола ахча 18%-га кхоачаш лохденнад карарча хана. Цох дувц РИА Хоамаша.
«Фусамашцара гӀулакх массахана санна иро латт Россерча наха юкъе. Банковски депозиташца, ипотекаца из гӀулакх аттачахьа даккха йиш хиларга хьежжа, квартира эца ахча Ӏоаде дикагӀа вӀаштӀехьадаргда наьха», - йоах цу хоама тӀа. Россе тайп-тайпарча моттигашка ший ахчах квартира эца аьттув хилар да цига дувцар. РФ 67 моттиге квартирий мах укх шера айбеннаб, хӀаьта 18 моттиге хинначул лохбеннаб.
Белгалде деза, дӀадахача шера вай мехка 1177 квартира хьалъяьлга, 1200 гаргга дезала чубаха фусамаш луш. Цу оагӀонцара гӀишлошъяра болх 171,689 эзар квадратни метра тӀа латташ ба - уж да цӀенош, вӀаштӀара яьча квартирех латта цӀенош. Цу оагӀонцара болх вай мехка дикка тоалуш латтилга белгалдир тӀахьожам бераша. Кхоачашде дезараш дукха да. Цхьа бер долча дезала, йоккха хало йоацаш, квартира эца йиш хургйолаш, цу оагӀонца дувзаденнараш тоадеш, болх дӀабахьа лаьрхӀад вай мехка. Мехкарча бахархой хьал тоадара тӀехьа да из деррига.
