«Культуро къаман Ӏадаташ, оамалаш лораяйт вайга, кагирхой шоай истори, мотт, кхыдола лоархӀамедараш лархӀа Ӏомабу», - белгалдир мехкадас Келаматанаькъан Махьмуд-Ӏаьлас, цу оагӀонца дӀахьош болча боккхача балхах дувцаш. Суртанчаша, артисташа, халхарчаша, иштта кхыболча дуккхача начӀал долча наха шоай говзал хьахьокхаш йола культуран оагӀонцара кхетаченаш дӀакхухь вай мехка каст-каста. Цу гӀулакха юкъе дакъа лоац библиотекашка къахьегараша, Ӏилман болхлоша, гӀо деш лелараша. Къаман кхоллама оагӀув, Даьхенцара безам, Ӏалама хозал, бахархой вахара денош, иштта кхыдараш довзийт цар шоай балхаца. Культуран оагӀонцара боккха, лоархӀаме болх хургба ГӀалгӀай паччахьалкхен 100 шу дизара хетадаь доккха концерт.

Из дӀадахьа лаьрхӀад Шолжа кхале. Иштта цунца дӀахьоргда тайп-тайпара боламаш, кхетаченаш. Кастта Самаре дӀахьоргда ГӀалгӀай республикан Денош. Цу гӀулакхо цӀаькха а хьагойт, Россе моттигаша шоайла бувзам лелабелга, барт лорабелга.