Сурташ дахара яхьашка котбаьннарий цIераш яйзар мехка
«Кванториум» яхача берий технопарко дIахьош хиннача «Лорае сурт даккха моттиг» яхача яхьашка котбаьннарий цIераш яьхар. «Сердалога» из хоам бу цу дешара моттигера.
Къамаш цхьанкхетара Ден хетаяь йолча яхьашка шоай мел йола говзал гучаяккха аьттув баьлар дешархой. 9 шергара 17 шерга кхаччалца дола бераш дар дакъа лоацаш хиннараш.
«ДоттагIалцара моттигаш» яхача оагIонца котало Даканаькъан Алинас яьккхар. ШоллагIча моттиге эттар Албохчанаькъан Зубейр, хIаьта кхоалагIа моттиг Леймой Темарланеи Ахтоланаькъан Сайт-Мухьмадеи йийкъар. «Iадаташ, культура» яхача оагIонца эггара дикагIа ба аьнна къоастабир Хамченаькъан Радимай болх, шоллагIча моттиге Овшанаькъан Хадижа эттар. ХIаьта кхоалагIа моттиг Албохчанаькъан Зубейра яла лаьрхIар.
«Эггара хозагIа йола лоаман моттигаш» яхача оагIонца грамота Балханаькъан Рахимайна кхаьчар, дото майдилг Эстемиранаькъан Сахара йихьар, Кхоартой Сафият кхоалагIча моттиге хилар.
Кхелахой хиннараша белгалдечох, хоржам бе хало дар, хIана аьлча деррига сурташ чIоагIа хоза, дог тохадолийташ дар.
