ГӀалгӀай мехка дӀайолаелар «Говзанчаш» яха мехкашта юкъера чемпионат
06.04.2025 12:44
Шолжа даькъ тIарча Цӏерца къовсам лоаттаберий колледже дӀайолаелар мехкашта юкъера Ерригроссийски «Говзанчаш» яха балха говзалах йола чемпионат. Яхьашка дакъа лоацаш яр Россе 28 моттигера 58 тоаба, уж бар юкъерча профессиональни дешара моттигашкара. Из хоам «Сердало» газетага ГӏалгӀайчен дешара Министерствон зарбан болх лелабераша бир.
«Аьттув балба берригача дешархой, дицлургдоацаш сийрда толамаш доахалда оаш! ХӀаране хьагойталда шийна фу карагӀдоал, цу тайпарча таронаша аьттув боаккх дикагӀа дегӀава», - аьлар, цу кхетачен мах беш, ГӏалгӀай Республикан Ӏилман, дешара министра Цхьорой Ахьмад-Башира.
Чемпионата доакъашхой кхетаченаш хургья кхелахошца. Ерригроссийски чемпионат начӀал дола кагирхой хьаллацара тӀаерзаяь я.
