«Из кхетаче вӀашагӀйоллара бахьан дар, дешарах дика кхеташ болча, хьаькъал долча нахага, тайп-тайпарча даькъошка шоайла балха говзал дӀа-юха ялийтар. Шин дийнахьа къовсабелар уж, «Фу? Мичахьа? Маца?» яхача ловзара кепе яхь дӀахьош. Яхьан ганз яр 45 эзар сом. Котбаьннарашта 20000 сом мах бола сертификат делар», - аьлар «КЛИО оалача хьаькъалеча ловзарий клуба кулгалхочо Темербенаькъан Мухьмада.

Цига котало яьккхай аьнна белгалйир йиъ тоаба: «Blackout», «Саг йоалаяле хьалха - Магасе», «Оршот», «АьрдагӀа кагийнах». Царна совгӀаташ дӀаделар СКФО -АЗС «M-GӀ».