Россе культуран гӀулакхех йолча Министерство дӀахьош бола «Музеера кӀир» яха болам хьаллаьцар Малсаганаькъан Тухана цӀи лелаеча Наьсарерча музейс. ЛоархӀаме хьаьший хеташ, тӀаэцаргба цига тӀема доакъашхой, цар дезалаш. Мах бала ца безаш, экскурси дӀахьоргья царца.

«Таханарча денгара денз ер бутт йистебаллалца, мах бала ца безаш музее экскурси е аьттув ба тӀема доакъашхой, цар дезалий. Геттара хоза хеташ бовзийтаргба оаха цу наха вай музеера кхоачам, къаман селханара дӀаьхий дола истори, вай сийдолча къонгех дувцаргда», - аьлар «Сердалога» музея кулгал деча Саганаькъан Мухьмада.

«Музеера кӀира» яха болам, тӀема доакъашхой хьаллацара тӀехьа, ерригача моттигашка дӀакхухьаш хургба.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде