ГӏалгӀайче дӀадоладелар кхалнаьха спорта кӀира
ГӏалгӀай моттигерча «ЦаӀ йола Росси» яхача партена тӀехьабараша вӀашагӀделлар, кхалнаьха спорта кӀира дӀадахьа, из чудоагӀаш да Ерригроссийски «Россе Низ» яхача марафона, иштта «Берий спорт» яхача партпроект кхоачашъяра, яхаш, дийцар «Сердало» газетага республикан дешара Министерствон зарбан болх лелабераша.
Гӏажарий-Юртарча №3 йолча ишколе, Манкенаькъан Рейсхана кулгал а деш, ГӏалгӀай Республикан яйгача атлетиках йолча Федераце президента, спорта мастера, иштта ИнгГУ спортивни дешара кафедра доцента Мархенаькъан Мадинас кулгал а деш, хилар из болх.
«Кхетачен доакъашхошта ховш хилар лакха толамаш дахара де дезар фуд спорта даькъ тӀа. Геттара а безам тӀабодаш дар «Чемпионаца зарядка яр», Цига Висангире Мадинас керда упражненеш гойтар, наьха могашал тоаяра накъайоалаш», - аьлар хоамо.
Тӏеххьара, кхетаче йистейоалаш, хьаьшаша берашта тӀадиллар могашал тоаеш йола вахара оагӀонаш лелаеш хилар; дешар, эхь-эздела лоӀам дегӀабоалабар.
