СВО доакъашхоех болча дагалоацама хетадаьча суртий яхь я дӀахьош
ГӀалгӀайчен культуран Министерствос дӀакхайкаяьй лаьрххӀача операцен доакъашхоех болча дагалоацама дикагӀа долча суртий яхь. Из яхь я мохк лорабеш латтача денал, майрал гойтача бӀухоех бола дагалоацам чӀоагӀбара нах тӀахьехаш.
Культуран министерствон зарбан болх лелабераша яхачох, цига дакъа лаца йиш йолаш ва хӀаравар, шоай цӀи, тайпан цӀи, даь цӀи белгал а еш, электронни адресах е телефонах болча бувзамца, цу тӀа ший проект тӀайола каьхат а дилла деза.
Каьхаташ хьаийду, 2025 шера тушола беттага кхаччалца. Уж дӀадахьийта йиш я республикан культуран Министерствон е Историко-культурни, исбахьален тӀехьален лораерий отделе, электронни почтага гӀолла.
Культуран Министерствон зарбан болх лелабераша белгалдир; дикагӀа долча суртах 10 000 эзар сом лургда, аьнна.
