Бизнеса, ӏаьдала юкъера бувзам дегӏабоалабе хьожаш ба вайцига
Укх деношка, УФАСа кулгалхоша, Росдоалахьен даькъ тӏарча урхаллено, ЦУРа, бизнеса викалаша дийцар бизнес лелаерий, бахархой лоткъамаш тахкара боахамашта юкъера бувзам лелабе безарах.
Тоачанаькъан Батыр, Гаьгенаькъан Муса, Банхайнаькъан Берс, иштта Дзовранаькъан Заьлмаха хьежар УФАСа даькъ тӏа кхетаче дӏахьош пайда баргболча балха оагӏонашка; дийцар наьха, бизнес-юкъарлон лоткъамаш викалашка дикагӏа дӏакхачийтара йолча балха оагӏонех.
«Кхетаче дӏахьош белгалйир Московски областа балха говзал, из юкъеяккхарах дийцар цу даькъ тӏа, цига «ЦУР Бизнес» яха никъ тӏаийцар Россе ФАС мехка дикагӏчарех цаӏ лоархӏаш, из юкъебоагӏаш ба «Кӏай книжка» яхача боахама даькъа. Из лоархӏме дакъа да инвестицей хьал дегӏадоаладара. Кхетаче доакъашхоша белгалдир, Гӏалгӏайче цу тайпара болх юкъебаккхарах атта балха таронаш хьакхолла йиш хургхилар, иштта бизнеса, ӏаьдала юкъера хьал каьга а атта а хургхилар.
Паччахьалкхен новкъостала хьал таьрахьашка даккхаро, аттача доаккхаргда республикан доалахьара хӏама хьадерий, инвесторий вахар», - аьлар «Сердало» газетага антимонопольни гӏулакх леладераша.
