РКПЦ лаьрхӀа кердача хьисапе йӀовхал лу моттиг еш боахк
27.06.2024 09:45
Республикерча бераш деча а царна Ӏунал лоаттадеча а моттига лаьрхӀа, таханарча хано дӀадеххача тайпара йола, Ӏай йӀовхал хьалуш хургйола моттиг еш боахк республике. Из хоам «Сердалога» бир Мехкадаь зарбан болх лелабераша.
«11,5 МВт низ болча кердача моттиго боаггӀача боараме йӀовхал лоаттаергья ерригача дарбанченна»,- белгалдир вай Мехкадас Келаматанаькъан Махьмуд-Ӏаьлас.
2017-ча шера болх бе дӀайолаенна къаьнара котельни каст-каста йохаш, дукхагӀа йолча хана болх беш йоацаш латтар. ХӀаьта цу бахьано йоккха хало йора дарбанченна. 67,6 млн рузкъа дӀалаьца йола кердаяр кийча хургья, 2024-гӀа шу чакхдоалаш.
Массайола оагӀонаш теркалъеш, ший болх лакхача боараме, цхьаккха коачамбоацар юкъе доацаш, дӀайолайолийтаргья из болх бе.
