ГӏалгӀайчен студенташта дийцар, ВИЧ-лазарах мишта лоравала веза
ГӏалгӀайчен Наьсаре ЧПОУ «Дукхача дешара оагӀоний профессиональни колледже» болам дӀабихьар ВИЧ-лазарах, СПИдах бола хоам дукхагӀа ховргболаш, цох лоралурболаш дола хьал хьалхадоаккхаш, яхаш, дийцар «Сердало» газетага цу моттиге.
Из кхетаче вӀашагӀъеллаяр ГӏалгӀай республикан Юкъарлон палато, колледжа администраце хьал а лоацаш, ВИЧ-инфекци, СПИД оала лазараш дикагӀа довзийтара. Укхаза дийцар царна дарба дара керттера хьалаш, хӀара денна вахаре цӀено лелае езарах, вирусаш дӀа-юха лургдоацаш.
«Эггара аттагӀа цу лазарех лоравалара бола никъ ба - дезала юкъера гӀулакхаш цӀена хилар, шийца вахаш волча сага мутӀахьа хилар, наркотикаш цалелаяр», - аьлар СПИД оалача, кхыча лазарашца къовсам лелабара йолча Республикански центра керттерча лора Бекмарзанаькъан Луизас.
Кхетаче дӀайихьар, пайда а эцаш: студенташ цу деша терко тӀаяхийтар, къамаьл деш, геттара чуийнна ладувгӀаш бар уж, иштта шоай хаттараш а делар цар.
