Студенташ гӀадбугаргба, шоай ди дездеча дийнахьа
22.01.2025 10:42
Укх бетта 25-ча дийнахьа, студентий Ди дездеш хургба беррига мохк. Цу дийнахьа, Магасерча Шан арена тӀа, мах боацаш, хехкабала аьттув хургба вай студентий. Из хоам «Сердало» газетага бир «Бералла наькъаш» яхача ерригача Россе проекта зарбан болх лелабераша.
«Кагирхой политиках, туризмах йолча Министерстве белгалдечох, Шан арена тӀа, мах боацаш, хехкабала йиш йолаш хургба студенчески билеташ дӀахьекха кагирхой. Итт сахьатагара кхо сахьат даллалца ша тӀа сакъерда аьттув ба къонабарий», - йоах тхогарча хоамо.
Белгалде деза, студенташта дикахетар де юкъебаьккха из болам хӀара шера дӀакхухьаш болга.
