Искусствай колледжа студенташа Ӏомадаьчох йола экзаменаш дӀаелар
21.06.2024 12:03
ГӀалгӀай Республикан Паччахьалкхен искусствай колледжа дешархоша укх деношка дика дӀачуелар Ӏомадаьчун жамӀа деш йола экзаменаш, яхаш, дийцар «Сердало» газетага моттигерча культуран Министерстве.
«Экзаменаш дӀалуш бар домра, аккордеона, каьхата пандара, гитара классах йолча халкъа отделене 4 курс чакхъяьккхараш. Кхелахошта юкъе вар Къилбаседа Кавказа паччахьалкхен искусствай института (СКГИИ) халкъа пандарий кафедра доцент Малкаров Мурат, СКГИИ халкъа пандарий кафедра кулгалхо Ахмедагаев Мусабег, цар белгалдир кагирхоша шоай балха говзал дика кхетаеш хилар», - йоах хоамо.
