Студентий кхетаче хилар, тӀема бӀухочунца
«Даьхен лорабой» яхача ганза моттигерча филиала хьалхадаьккха хиларах, Наьсаре кхетаче хилар ГӀалгӀай профессиональни колледжа студентийи СВО бӀухочун Тиймарзанаькъан Хьусенеи, яхаш, хоам бу «Сердало» газетага ганза хӀарман проекта кулгалхо йолча Новрбенаькъан Фаринас.
«Вахарца дувзаденна хьехамаш телача Тиймарзанаькъан Луизас кийчъяьча кхетачено таро хилийтар кагирхой мехкацара безам совбаккха. Украине дӀахьош йолча лаьрххӀача тӀема операцен доакъашхочо дийцар, шийна уллув латтача бӀухошта карагӀдоалаш хиннар, цар турпалерча гӀулакхех лаьца. Хьалхара, лоархӀаме декхар кхоачашде дезаш хилар Тиймарзанаькъан Хьусен Сире, массехк шу даьнначул тӀехьагӀа, из нийсвелар кхыча тӀема даькъ тӀа. Денал гойтарах, цунна майдилг цкъа енна Ӏийнаяц. Карарча хана Россе герзашцарча низий Министерствон инстркутора декхараш кхоачашдеш ва из.
Ала деза, Хьусен волча дезале тӀема никъ хержар из цаӀ цахилар. ВоккхагӀа вола воша Хьасан «Беркут-Юг» яхача лаьрххӀача отряда командира гӀонча ва. Цо ше дикача оагӀорахьа гойтар, Запорожски АЭС хьайоаккхаш. СВО тӀема декхараш дика кхоачашдарах а валарца дувзаденна а Тиймарзанаькъан Хьасан Россе Турпал яха цӀи яла оттаваьв», - йоах хоамо.
