Ӏаьдала болхлочунга тоам боаца къамаьл даьчун гӀулакх судо къоастадергда
18.07.2025 09:30
Магасерча Прокуратурас суде чуделар Ӏаьдала болхлочунга ца доагӀа, тоам боаца къамаьл даьча кхалсага гӀулакх. Из хоам «Сердалога» бир Ӏаьдала болхлоша. Тюменски областера 22 шу даьнна саг я бехктокхаме озаргьяр.
«Тохкама болхлоша белгалдечох, 2025-ча шерарча саькура бетта 23-ча дийнахьа Магасерча Чахкенаькъан СаӀида цӀерах болча урам тӀа ший болх дӀахьош латтача Россе МВД ДПС ГИБДД болхлочунга, гонахьарча наха хозаш, тоам боаца къамаьл даьд цу кхалсага», - йоах тхога бенача хоамо. Магаса кхален судо тохкаш латт, ший багенна доал де цахайначун гӀулакх.
