СВО веннача бӏухочун кӏаьнк берий беша дӏаоттавир
05.09.2025 15:56
«Даьхен лорбой» ганза гӏалгӏай филиало новкъостал дир, Лаьрххӏа йола операци дӏахьош веннача бӏухочун воӏ деша даха ха йоацача берий моттиге дӏаоттавеш.
Тхоца къамаьл даьчо яхачох, 10 бера нанас, Овшанаькъан Паьтӏамата дийхар социальни болх лелабеча Темарханаькъан ӏийсайгара, ший зӏамагӏа вола воӏ «Берий дуне» яхача №6 йолча берий беша дӏаоттаве новкъостал дийхар, из я Илдарха-Гӏалан даькъ тӏа. Из хаттар кхоачашдир цу моттига кулгалхочунга Ӏалбаканаькъан Луизайга гӏолла.
Ганзо яхачох, веннача Гӏантамаранаькъан Тамерлана воӏ Билал сиха дӏаӏемар кхыча берашца, иштта берий беша болх бечарца.
