Шийна дагалаьттар кхоачашде цун таро хилар «Даьхен Лорбой» ГӀалгӀайчен ганза филиала новкъосталца. ЛоархӀаме дакъа цу юкъе лаьцар цу ганза болхлочо Оздой Тимура.

«Жабраила да лаьрххӀача операце доакъашхо ва, Россе хьашташ кхоачашдеш. Укх шера ишкол яьккха ваьннав зӀамсаг. Шийна езаш йола професси, шеко йоацаш, хержай цо. Коммерчески даькъ тӀа цу дешара моттиге отта ДикаевгӀар таро яцар, хӀаьта цига бюджетни моттигаш мара яцар. Новкъостал дехаш, бӀухочун воӀ вера тхо долча, тха таро хилар цунна гӀо де», - аьлар «Сердало» газетага Оздой Тимура.

Белгалдаккха деза, колледжа кулгалхой оарцагӀбаьлар, цар ганза дехар жоп доацаш дитанзар.

ХӀанз зӀамсаг, дегагӀоз йолаш, дешаш хургва ше хержача профессех, ший да - турпал санна, наха накъавоалаш, къахьега йиш йолаш ва из.