СВО доакъашхочунна каьхаташ меттаоттаде новкъостал дир
17.05.2024 15:00
Моттигерча «Даьхен Лорбой» филиало новкъостал дир, ЛаьрххӀа йолча операцен доакъашхочун даьга хинна каьхаташ меттаоттаде, яхаш, дийцар «Сердало» газетага цу урхаллен викалаша.
«Укх деношка, Эккажкъонгий-Юрта вахача Шоанахой Ахьмада Российски Федераце каьхатий бӀарчча кхоачам хьабелар, даьга хиннача каьхаташта меттел.
Из ваха хилар цу лоадама ганзагара новкъостал дехаш, цул тӀехьагӀа лаьрххӀа болх лелабеш волча Хидиранаькъан Ювсапа къамаьл хилар, миграционни гӀулакха кулгалхочунца. Из болх цхьана дӀабихьачул тӀехьагӀа массехк ди даьлча, тӀема бӀухочун дехар кхоачашдир», - аьлар газета редакцега.
Белгалду, СВО доазон тӀа из мугӀарерча салтечун декхараш кхоачашдеш хиннав, яхаш.
