ТӀема операцен доакъашхочун унахцӀено меттаоттае гӀо дир
15.05.2024 13:42
Украинерча тӀема операцен юкъе дакъа лоацаш хиннача вай мехкарча вахархочун дегӀа могашал меттайоалае гӀо дир «Даьхен лорбой» яхача ганза доакъашхоша. Из хоам «Сердалога» бир кулгалхочун гӀонча йолча Наурбенаькъан Фаринас.
«Республике дарба дара тӀехьа, эггара хьалха цу ганзерча болхлошкара гӀо дийхар Оздой Ӏамархана. Вахара оагӀон координатор волча Ӏарапханаькъан Мухьмада Шолжа кхалерча дегӀа могашал меттаоттаеча моттигаца бувзаме ваьнна, цига шин кӀира дарба дир Оздой Ӏамархана», - йоах тхогарча хоамо. ДӀадахача шера аьхки Украинерча тӀема декхарех мукъавалийтар Ӏаьдало Ӏамархан, лозаваь хиларах.
Суворова цӀерах йола майдилг елар цунна денал, майрал гойтарах. Белгалде деза, цун воша Алисхан а тахан Украинерча тӀема операцен юкъе волга.
